Tħawwil ta' siġar f' Ta' Qali

Bl-għajnuna tas-Sur Patrick Pace, kordinatur tat-34U fi ħdan il-Ministeru għar-Riżorsi u Affarijiet Rurali, grupp ta’ studenti żaru l-park Nazzjonali ġewwa ta’ Qali fis-17 ta’ Marzu 2010.  Hemmhekk ġew milqugħa mis-Sur Neville Ebejer, Senior Environment Inspector fil-Parks Department, li b’dedikazzjoni kbira ħejja program interessanti għalihom.

 

 

Il-ġurnata bdiet billi l-istudenti inqassmu mill-ewwel fi gruppi u bħala l-ewwel attivita’ is-Sur Ebejer ħejjilhom treasure hunt marbuta ma’ l-ambjent.   L-istudenti kellhom ifittxu siġar u pjanti endemiċi kif ukoll monumenti li hemm madwar il-park.

 

Wara din il-ġirja mal-park, is-Sur Ebejer urihom il-metodu ta’ kif wieħed għandu jiżra. Kull student ingħata kontenitur żgħir u tefa’ fih il-kompost u żerriegħa taż-żnuber. Dawn ġew ġentilment mogħtija lill-iskola tagħna u se jinżammu f’serra żgħira sakemm jinbtu u eventwalment  jiġu mħawla.

 

Il-ġurnata kompliet bit-tħawwil ta’ 4 siġriet taż-żnuber.  Din id-darba id-donazzjoni kienet minn naħa ta’ l-iskola tagħna bħala kontribut għat-tisbiħ ta’ dan il-park Nazzjonali.  Kull min iżur dan il-park jista’ jara dawn is-siġar immarkati bl-isem ta’ St. Patrick’s Salesian School.  Huwa fi ħsiebna li jitħawlu iktar siġar f’isem l-iskola.